Зайырлылықты «тағұт» деп  адасып  жүргендер  кездеседі. Ал исламтанушылар «тағұт»  сөзінің мағынасы күпірлік, шектен шығу дегенді білдіретінін айтады. Бұл сөзді әсіресе псевдосәләфизм ішіндегі такфир жамағаты көп қолданады. Қазақ жерінде ешқашан халифат немесе мұсылман елі құрылмаған. Бабаларымыздың сөйлеген  әрбір сөздері Құран мен Хадис, жасаған әрбір іс-әрекет, амалдары Сүннет бола тұра халифат орнатпаған. Керісінше өзге дін мен ұлт өкілдерін құшақ жая қарсы алып, біте қайнасқан.