Исламда «хуббул-уатан минәл-иман» деген риуаят бар. Мағынасы «Отанды сүю иманнан» дегенді білдіреді. Мәніне үңіліп қарасақ, әрбір шаңырақтағы тыныштық, жақсылық, қуаныш - ол сол мемлекеттің берекелі өмірінің бір көрінісінің дәлелі. Ізгі қасиеттері бойында сақталған әр азамат өз Отанын шексіз сүйеді. Елінің амандығын, шекараның бүтіндігін, мемлекетінің тыныштығын тілейді.